29.9 C
Manila
Friday, March 1, 2024

Zamboanga: Comandante del Westmincom ya conferi medalla con mga soldao

- Advertisement -

Si Tinienete General William Gonzales, el comandante del Western Mindanao Command, ya conferi medalla con mga soldao quien instrumental na neutralizacion del nueve miembros del Islamiyah-Maute Group (DI-MG) na provincia del Lanao del Sur.

Si Gonzales ya premia medalla de merito militar con el mga personajes del 3rd Scout Ranger Battalion durante su visitada na quartel del 103rd Infantry Brigade del Lunes.

Un Military Merit Medal interim to Distinguished Conduct Star el ya conferi con First Lieutenant Allan Kenny Manuel y Private First Class Mark John Culaway por el de ila acto de coraje y galanteria en accion mientras ta servi como un lider de peloton y explorador principal del grupo de asalto durante el serie de tirahan contra con mas o menos 15 miembros del DI-MG bajo’l liderato de Arsani Membisa alias Khatab y alias Lapitos na Barangay Taporog, Piagapo, Lanao del Sur del Enero 26.

Semehante medalla tamen el ya conferi con Second Lieutenant Feljoy Ending.

Ya conferi tamen Military Merit Medal interim to Gold Cross Medal con 11 otros mga soldao quien parte del fuerzas operativa durante el conducida del operaciones deliberadas contra con el DI-MG.

El coraje inquebrantable y autosacrificio poco comun (uncommon self-sacrifice) de Manuel y del su grupo es instrumental na neutralizacion del nueve miembros del DI-MG nombrao como el mga siguientes: Saumay Saiden alias Ustadz Omar; Salman alias Mikdad; Abdul Hadi alias Hodi Imam; Lacson Timbang alias Abdullah; King Fahad Dalig Untie alais Muhajeer; Asnawi Mael alias Hamza; alias Mauwiyah; y alias Mohaimen.

Ya recubri mga soldao durante el ofensiva ocho armas de fuego de alta calibre, un bandolier, cuatro radyo Baofeng y un celpon.

Si Gonzales ya visita tamen y ya conferi medalla con el cuatro soldao quien ya iri durante el tirahan y ta recupera este tiempo na hospital na ciudad del Iligan.

“Mi saludo con el diaton mga valiente soldao quien ya dedica de ila vida para servi y proteje con el mga vivientes amedianate el todo adversaries,” si Gonzales ya habla.

(B. Garcia, photo courtesy of Westmincom PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -