Sultan Kudarat – Sikop ang usaka 64-anyos nga lalaki human nga makuhaan ug ilegal nga armas ug mga bala atol sa gihimo raid sa PNP sa Sitio Sewal, Barangay Kuden, Senator Ninoy Aquino, Sultan Kudarat kaganinang buntag, Enero 31, 2024.
Giila ni Police Colonel Christopher Bermudez, Provincial Director sa Sultan Kudarat Police Provincial Office, ang nasikop nga suspek nga si alyas “Armando”, minyo ug residente sa maong lugar.
Segun kang PCol Bermudez, tungod sa gahum sa search warrant nga una nang gipagula sa korte, gironda sa mga sakop sa Senator Ninoy Aquino MPS ug 2nd SKPFMC ang balay sa suspek nga misangkp sa pagkasikop niini.
Nasikop ang nasampit human nga madiskubre sa mismong balay niini ang dili lisenysadong 12-gauge shotgun nga may magazine ug upat ka mga bala.
Sa karon, nagpabilin sa kustodiya sa PNP ang suspek ug nag-atubang sa kasong kalapasan sa RA 10591 o ang “Comprehensive Firearms and Ammunition Regulation Act”. (Jun Abelo)
(Source: PCADG 12)