El Gobernador Hadjiman Hataman-Salliman del provincia del Basilan ya expresa su apreciacion con el militar en asegurar el sostenido iniciativo de paz na provincia.
Si Salliman ya expresa su apreciacion durante el visitada de cortesia de Brigadier General Leonardo Peña, comandante del Joint Task Force (JTF)-Orion, na su oficina del Lunes.
El junta de Salliman y Peña ya dale importancia na continuando esfuerzos colaborativa entre el militar y gobierno provincial na mantencion de paz y segurdiad na provincia, mas ta fortalece el compartido compromiso para el progreso y estabilidad del Basilan.
El de ila dos discussion ya cubri el futuro iniciativas con el objetivo para mas portalece mga programas local de paz, proyectos de desarollo, y el importancia na papel del militar para crea un segurao medio ambiente para el crecimiento economico y progreso social.
Durante del visitada de cortesia de Peña con Salliman, ya acompania conele si Brigadier General Alvin Luzon, el comandante del 101st Infantry Brigade, y el de ila respetivo personajes. (B. Garcia)