Si Tiniente Coronel Jimmy Sanz, el comandante del 97th Infantry Battalion (IB), ya ase acorda con su mga personajes para mantene buen relacion con mga vivientes del Zamboanga del Norte y continua esta bien disiplinao soldao.
Ese el parte del mensaje de Sanz despues que ya comenda le con el mga tropa durante su visitada canila na frontera na diferentes parte del Zamboanga del Norte del otro semana.
El mga personajes del 97IB que ya visita si Sanz amo aquellos na base na mga siguientes lugar: Barangay Balok, Katipunan; Barangay Sipaon, Rizal; Barangay Bakungan, Leon Postigo; y Barangay Osukan, Labason.
El visitada de Sanz tiene el objeto para ase subi el moral, mejora con el “operational effectiveness” del tropa, y para personalmente uwi de ila mga necesidades.
El visitada de Sanz hinde lang para dale mira el suporta, sino un oportunidad tamen para evalua el strategia y guia tactica.
El fisicamente presencia ta permiti tamen con el comandante para observa lugar de mejoras y evalua mga efectivo strategias y objetos.
Puera con el mga soldao, ya visita tamen si Sanz con mga miliciano y ya distribui aroz, y mga cosas personal como nuevo uniforme que ta necesita sila para ayuda na mantencion del paz y orden. (B. Garcia, photo courtesy of 97IB)