El Departamento de Trabajo y Empleo o el DOLE ay conduci un “job fair” como parte na celebracion del 90 años anivesario del agencia, un alto oficial del DOLE na region ya anunicia del Martes.
Asegun con Albert Gutib, el director regional del DOLE, ya anuncia cay el Job Fair ay conduci na lugar de actividades del KCC Mall de Zamboanga na Deciembre 4.
Asegun con Gutib, desde’l Lunes, tiene ya el total de 4,091 vacante posision para empleo local y na otro pais.
Asegun con Gutib, na total de 4,091 vacante posicion, 1,508 el para empleo local y el restante 2,583 amo empleo na otro pais.
Presentamente, asegun con Gutib tiene ya el total 31 companias el ya confirma que ay participa sila na Job Fair.
Si Gutib ya habla cay 24 del 31 amo mga privado companias y el restante siete mga compania de agencias ta saca trabajantes para na otro pais.
Asegun con Gutib, uno lang el Job Fair del de ila actividades na celebracion del 90 años aniversario de DOLE.
Tiene tamen sila distribucion de pago del Tulong Panghanapbuhay sa Ating Disadvantaged/Displaced Workers y otro pa mga programa.
“Serbisyong Mabilis at Matapat sa Bagong Pilipinas el tema para del 90 años aniversario celebracion del DOLE.
(News & photo courtesy by Bong Garcia)