Un barracon el ya man uput na un incidente de incendio na un lejanos barrio na costa este del ciudad, asegun con el policia local del Jueves.
Asegun con el Zamboanga City Police Station 1 (ZCPS1), el incendio ya ocuri mga alas 11:50 del Miercoles aga na Barangay Limaong, 83 kilometros este del ciudad.
Asegun con el policia, el barracon na mismo tiempo ta servi como el bodega del un compania de construccion, el MC Gabriel, que ta hace un proyecto de infrastractura na Barangay Limaong.
Asegun con Felix Santos, 69 años el edad, el encargao del bodega, el fuego ya principia na un tumpuk de palo y ya man calayat hasta ya alcansa na barracon por causa bien seco el sacate areredor del estructura.
El bombero ya puede completamente apaga con el fuego mga alas 12:40 del tarde. El valor del destroso ya alcansa na P150,000.
Nohay ni uno el quien ya sinti duele durante el incendio, asegun con el policia.
(B. Garcia, photo courtesy of ZCPS1)