General Santos City – Malipayong gidawat sa 8 ka mga sakop sa Police Regional Office (PRO) Region 12 ang tagsa-tagsa nila ka “Medalya ng Kagalingan” atol sa selebrasyon atol sa tradisyonal nga Monday Flag Raising Ceremony sa Grandstand, PRO 12, Tambler, General Santos City, niadtong Pebrero 26, 2024.
Nasayran, nga si PCOL ROGELIO Z RAYMUNDO, JR, Acting Regional Director for Administration (ADRDA), uban ni Atty. Johnson G. Reyes, Regional Director, National Police Commission (NAPOLCOM) 12, ang nangulo sa paghatag og mga pasidungog.
Ang Medalya ng Kagalingan gihatag ngadto sa mga personahe sa Maitum Municipal Police Station tungod sa pagpasayon sa malinawong pagsurender sa duha ka mga miyembro sa CTG sa GF 73 MUSA, FSMR, uban sa ilang mga armas ug eksplosibo sa Barangay Pangi, Maitum, Sarangani Province, nga mao:
1. PMAJ BERNARD A FRANCIA, JR
2. PCPT IAN HASPER P GARCINEZ
3. PCMS Joel G Nonat
4. PMSg Howard B Nacional
Dugang pa, ang mga personahe sa Regional Logistics and Research and Development Division nakadawat ug Medalya ng Kasanayan alang sa pagkuha sa labing taas nga marka sa Directorate for Research and Development para sa Unit Performance Evaluation Rating (UPER) para sa CY 2023, nga mao:
1. PLTCOL JOSEPH G GALLETO
2. PEMS Benrie G Casiano
3. PMSg Cyrus D Udarbe
4. PCpl Mary Antonette T Manghano
Sa iyang mensahe, si PCOL RAYMUNDO nagpahayag sa iyang mainitong pahalipay sa mga awardees sa ilang talagsaong pasalig ug sulondan nga pasundayag, nga tinuod nga nagpakita sa kinatas-ang sukdanan sa propesyonalismo ug kahusayan sa serbisyo. (Giovanni Pasco)
(News & photo courtesy of RPIO-PRO12)