El Ministry of Agriculture, Fisheries, and Agrarian Reform na Bangsamoro Autonomous Region in Muslim Mindanao (MAFAR-BARMM) ya confirma cay tiene bastante aros el rehyon maskin ta continua subi el presyo na mercado.
Si Dr. Daud Lagasi, el Director-Heneral del MAFAR para servicio agricultural, ya habla cay maskin ya subi desde P2 para P3 na presyo del kilo de aros na tiangge, tiene sila bastante aros hasta na fin del año.
Asegun con Lagasi cay tiene pa cosecha de palay hasta na mes de Septiembre, este año, na rehyon otonomo.
Si Lagasi ya habla el siguiente cosecha de palay na rehyon amo na mes de Deciembre este año hasta na mes de Marso otro año.
Porcausa de ese, asegun con Lagasi confiansa sila cay el rehyon otonomo tiene bastante aros hasta na fin del año.
Myentras tanto, para menora el efecto del omento na presyo del comestibles, el MAFAR-BARMM ta continua extende suporta con mga agricultor na rehyon por medio de dale mga semilia y otro necesidades con el sector de agricultura.
(B. Garcia, photo courtesy of MAFAR – BARMM)