Ocho potencial victima de trafico humano el ya salva el mga autoridad na provincia de Tawi-Tawi, asegun con el policia del Domingo.
Asegun con el Police Regional Office-Bangsamoro Autonomous Region (PRO-BAR), con el mga potencial victim ya salva mga alas siete del Jueves denoche na pantalan del Bongao, el ciudad capital del provincia de Tawi-Tawi.
El PRO-BAR nohay publica con el mga identificacion del mga potencial victimas puera lang de habla’r todo sila mga hombre.
Asegun con el policia, con el mga victima ya salva siguiendo el un informacion desde con un concierne residente aserca un grupo de mga desconocido personas que ta viaja abordo na un barco estaba na Jolo, Sulu.
Asegun con el policia, el mga potencial victima de trafico humano supuesto para viaja para na Semporna, Malaysia, pero nohay sila el legal documentos de viajada.
Con el mga salvao potencial victimas de trafico humano ya entrega na custodia del Municipal Inter-Agency Committee Against Trafficking (MIACAT) y Ministry of Social Services and Development para el mas evaluacion y suporta.
Con el mga potencial victimas de trafico humano ya salva el combina operativas del policia, Guardia Coster del Filipinas, MIACAT, y National Intelligence Coordinating Agency. (B. Garcia)