El mga personajes del Joint Task Force (JTF)-Poseidon en coordinacion con el 1st Zamboanga City Mobile Force Company (1ZCMFC) y Oficina de Pesca y Recursos Acuaticos o BFAR ya confisca mga improvisado explosivos na un barangay costero na ciudad de Zamboanga, asegun con el militar del Lunes.
Asegun con el JTF-Poseidon, con el mga explosivos ya confisca mga alas 5:20 del Sabado tarde na mar serca na Barangay Mariki, ciudad de Zamboanga.
El JTF-Poseidon hunto con el policia y BFAR ya conduci patrulla maritima como un accion aserca el informacion cay tiene mga barcos motorizados el ta transporta mga explosivos.
Durante el patrulla, ya puede sila columbra con dos barcos motorizados ta navega para na direccion del Barangay Mariki.
Asegun con el JTF-Poseidon, tres desconocidos persona muntao na uno del dos barcos motorizados ya escapa dejando con el otro barco motorizado.
Durante el inspeccion, el JTF-Poseidon ya habla el abandonao barco motorizado ta contene 46 improvisado explosivos, 50 detonadores commercial, ocho metros fusible de sincronizacion, y un barco motorizado.
Asegun con el JTF-Poseidon, con el barco motorizado ta contene explosivos ya lleva para na pantalan de Majini del Estacion Naval Romulo Espaldon na Barangay Calarian, ciudad de Zamboanga.
El JTF-Poseidon ya habla, con el mga explosivos ya entrega para na custodia del demolicion de artefactos explosivos del policia para el propio disposicion. (B. Garcia)