Ya aresta con dos man hernamo el mga autoridad por ilegal posesion de pusil na un operacion de aplicacion de ley na ciudad de Zamboanga, asegun con el policia del Miercoles.
El policia ya nombra con el arestao man hermano como canda Basil Alih, 38 años el edad, y su hermano menor, si Nadir, 30.
Asegun con el policia, con el dos man hermano ya aresta na un operacion de aplicacion de ley por medio de servi’r orden en buscada maga alas 3:15 del Lunes aga na Barangay Arena Blanco, ciudad de Zamboanga.
Asegun con el policia, ya confisca na posesion del dos man hermano dos calibre .45 pistola con mga bala y un granada.
El policia ya aplica con el orden de buscada y ya servi contra con el dos man hermano siguiendo el reclamo del mga vicinos que evidente ta blandida sila de ila armas de fuego y tiene vez indiscriminadamente ta tira de ila pusil.
Con el arestao man hermano ya pone bajo’l custodia de Zamboanga City Police Station 6 en preparacion para el plantada del caso contra canila. (B. Garcia)