Valor de mas de media millon droga y un armas de fuego el ya confisca mga autoridad cuando ya aresta sila un suspechao “big time” vendedor de droga ilegal aqui na ciudad, asegun con el policia local del Domingo.
Asegun con el policia local con el arestao suspechao ya conose como si Rommel Adjuran alias Bonjing, 40 años el edad.
El policia ya habla cay con Adjuran ya aresta na un “but-bust operation” mga alas 6:55 enantes aga, este dia de Domingo, na Barangay Mariki, en este ciudad.
Ya puede confisca na posesion de Adjuran 75 gramos de suspechao shabu que tiene el valor de P510,000, un improvisado calibre 5.56-milimetro revolver, y markao sen, asegun con el policia local.
Ya detene con el arestao suspechao en preparacion para el plantada de asunto contra conele por violacion del “Comprehensive Dangerous Drugs Act of 2002”. (B. Garcia, photo courtesy of ZCPO)