El mga autoridad ya aresta con cuatro tripulantes de un barco de pesca sin licensia durante un campaña contra ilegal pescada aqui na ciudad de Zamboanga, asegun con el policia local del Jueves.
Asegun con el policia local, con el mga arestao tripulantes ya conose como canda Noriel Reyes, 40 años el edad; Roel Dela Cruz, 33; Jeffrey Balasabas, 23; y, si Berto Bautista, 30, todos mga residentes del Barangay Bolong, en este ciudad.
Asegun con el policia, con el cuatro tripulantes ya aresta ta pesca de ilegal manera mga 6:45 del Miercoles denoche na vicinidad del island de Pitas, Barangay Bolong, en este ciudad.
El policia ya habla, el cuatro tripulantes ya falla presenta documentos del de ila barco de pesca nombrao como hulbot-hulbot y de ila mga galamiton de pescada nohay tamen licensia.
Ya confisca na de ila posesion un piedra que tiene el pesades de 100 kilo y otro pa mga galamiton de pescada.
Con el cuatro arestao tripulantes y barco de pesca ya pone bajo na custodia del Zamboanga City Police Station 3 y hay entrega na Oficina de Pesca y Recursos Acuaticos para el propio disposicion. (B. Garcia, photo courtesy of ZCPS3)
