Tres high-value targets (HVTs) el ya aresta y valor de P6.8 millon droga ilegal el ya confisca mga autotidad na Maguindanao del Norte, asegun con el Philippine Drug Enforcement Agency (PDEA) del Jueves.
Asegun con Gil Cesario Castro, el director del PDEA na Bangsamoro Autonomous Region in Muslim Mindanao (PDEA-BARMM), con el mga arestao suspechao ya conoce como canda Kison Saggaan Sakili, 33 años el edad; Samsoden Kali Gandal, 49; y si Faisal Saripada Darapa.
Asegun con Castro, con el tres suspechao ya aresta na un operacion de compra busto del Miercoles na Barangay Tamontaka, Datu Odin Sinsuat, Maguindanao del Norte.
Asegun con Castro, ya puede recubri na posesion del mga arestao HVTs un kilo de suspechao shabu con el valor de P6.8 millon, dinero de compra busto, dos celpon, diferente tarjetas de identificacion, tarjetas de ATM, recivo de transferida de dinero, y un vehiculo.
Si castro ya habla, el mga suspechao detenido na carcel del PDEA-BARMM en preparacion para el plantada del asunto contra canila por violacion del Comprehensive Dangerous Drugs Act of 2002.
Con el mga suspechao ya aresta el mga operativas del PDEA-BARMM con el suporta del policia y militar. (B. Garcia)