Un persona el ya aresta y valor de P680,000 droga el ya confisca na un operacion antidrogas el mga autoridad aqui na ciudad del Zamboanga, asegun con el policia local del Martes.
Asegun con el policia local, con el arestao suspechao ya conose como si Jinx Diaz, 21 años el edad y residente de Barangay Baliwasan, en este ciudad.
El policia ya habla, con Diaz ya aresta na un “buy-bust operation” mga alas 10:12 del Lunes denoche na Sitio Tres Marias, Barangay Baliwasan, en este ciudad.
Asegun con el policia, ya puede confisca na posesion con de Diaz dos paquetes de suspechao shabu con el pesades de 100 gramos y tiene el valor de P680,000, un bundle de 59 pedaso de P1,000 boodle money que ta pone insima un verdadero P1,000 markao sen, y un bolsa onde ya pone el droga ilegal.
Con Diaz ya pone bajo’l custodia del policia local en preparacion para el plantada de asunto por violacion del Comprehensive Dangerous Drugs Act of 2002.
Con Diaz ya aresta el combinao grupo del policia y mga soldao.
(B. Garcia)
