Un persona el ya aresta y ya confisca P340,000 valor de droga ilegal el mga autoridad na un operacion contra droga na provincia del Zamboanga del Sur, asegun con el policia del Miercoles.
El mando regional del policia, o Police Regional Office-9 (PRO-9), nohay identifica con el arestao suspechao con quien ya coge mga alas 10:24 del Martes denoche na Barangay New Labangan, Labangan, Zamboanga del Sur.
Asegun con el policia, ya confisca na posesion del arestao suspechao aproximadamente 50 gramos de suspechao shabu que tiene el valor de P340,000, y dinero de compra busto.
Asegon con el policia, con el suspechao ya detene en preparacion para el plantada del caso contra conele por violacion del Ley Integral de Drogras Peligrosas de 2002.
Asegun con el policia, el operacion de compra busto ya conduci el mga operativas del Philippine National Police – Drug Enforcement Group, en coordinacion otro agencias de enforsadores de ley. (B. Garcia)