Un objetivo de alto valor, o HVT, el ya aresta el mga autoridad na un operacion contra droga ilegal na provincia del Zamboanga del Norte, asegun con el Philippine Drug Enforcement Agency (PDEA)-Zamboanga Peninsula del Viernes.
Si Maharani Gadaoni-Tosoc, el director del PDEA-Zamboanga Peninsula, ya nombra con el arestao suspechao como si alias Magcanta, 53 años el edad y residente del Barangay Poblacion Bajo, Sergio Osmeña, Zamboanga del Norte.
Asegun con Gadaoni-Tosoc, con Magcanta ya aresta na un operacion de compra busto mga alas 10:10 del Jueves aga na facilidad de enfermeria, Barangay Biayon, Sergio Osmeña.
Asegun con Gadaoni-Tosoc, ya confisca na posesion de Magcanta total de sinco gramos the suspechao shabu enpaquetao na seis termosellada plastico sobrecitos que tiene el valor de P34,000, un gramo de seco hojas de marijuana envolvido na papel de alumino con el valor de P120, dinero de compra busto, un bolso bandolera, y otro parafernales de drog ilegal.
Si Gadaoni-Tosoc ya habla, si Magcanta hay enfrenta el caso por violacion del Secciones 5, y 11 del Ley de Republica 9165, o mas conocido como el Ley Integral de Drogas Peligrosas de 2002.
El operacion de compra busto ya conduci el mga operativas del PDEA con el suporta del policia del Sergio Osmeña, Zamboanga del Norte. (B. Garcia)