El 45th Infantry Battalion (IB) del Army ta coduci sinco-dia entreno para del mga miembros de Barangay Peace Action Teams (BPATs) na uno del mga municipios na provincia del Basilan, asegun con el militar del Miercoles.
El mga miembros del BPAT quien bajo’l Barangay Defense Force Training 2024, que ya comensa del Lunes, amo aquellos del municipio del Ungkaya Pukan, Basilan.
El 45IB ya habla, el programa de esencial entreno tiene el objetivo para enseña con el mga miembros de BPATs con vital capacidad salvavidas foco na asistencia humanitaria y alivio de desastres.
Si Capitan Vinjoe Coña, el comandante del Bravo Company del 45IB, ya ilustra con el mga participantes del entreno el de ila esencial papel na de ila respetivo comunidades durante el ceremonia de apertura del entreno.
Ya elabora tamen si Coña el mision, vision, y significante ventajas que ta lleva sila na esfuerzos locales de repuestas de desastres, y el claro criterios para el disqualificacion desde’l servicio de BPAT.
Durante el ceremonia de apertura, ya atende el Alcalde Jomar Maturan del Ungkaya Pukan hunto con el mga personajes y oficiales del policia, bombero, guardia costera del Filipinas, y mga oficiales del barrios. (B. Garcia)