Ya expresa gratitud si Vice Alcalde Josephine Pareja con Alcalde John Dalipe cay aporva este su pidido de kinse milyon de pesos fondo para ase mejoras na edificio del consejo del ciudad.
Si Pareja ya nota cay sabe si Dalipe si cosa el problema ta enfrenta sila na consejo siendo estaba man el alcalde un myembro del consejo del ciudad.
Ese asegun el rason porke enseguidaas ya aprova si Dalipe el cosa ya pidi si Pareja.
Asegun con Pareja cay el fondo de kinse milyon de pesos ay usa sila para compone mga comfort rooms (escusao) y techo del mga oficina del mga consejales.
Acordando, cay uno del problema del mga consejales del pueblo amo cay ta man tulu agua na de ila oficina el momento ta man aguasero.
Myentrastanto, si Pareja ya habla cay ay pidi tamen ele fondo para omenta con mga closed circuit television (CCTV) cameras adentro y areredor del edeficio del consejo del ciudad.
Si Pareja ya habla cay el ponida de CCTV cameras ta sirvi parte del mejoras de seguridad del mga oficiales y personajes del consejo local. (Bong Garcia)