El Alcalde John Dalipe personalmente ya encabesa el distribucion del paquetes de comida y otro cosa de ayuda con mga afectao familias del incendio del Jueves tarde na temporario centro de evacuacion.
Na mismo tiempo, ya ordena si Dalipe con el City Social Welfare and Development Office (CSWDO) y otro concierne agencias para ase todo’l esfuerso dale el necesario suporta y ayuda con mga afectao familias.
Mas o menos 40 familias el afectao durante el incendio que ya ocuri del Jueves aga na Paseo de Manggal, Barangay Baliwasan.
Asegun con el Bureau of Fire Protection, el incendio ya rasa 37 casa y ya destrosa parcialmente otro tres casa. El estimao valor de destroso ya alcansa P1 millon.
El incendio ya principia mga alas 10:51 de Jueves aga y ya alcansa na terser alarma, asegun con el bombero.
Con el fuego ya puede apaga completamente mga alas 3:39 del tarde.
El bombero ta continua el investigacion para determina el causa de incendio. (B. Garcia, photo courtesy of City Hall PIO)