El mga autoridad ya aresta un persona mas buscada na un operacion de aplicacion de ley na provincia del Lanao del Sur, asegun con el policia del Sabado.
Si Coronel Robert Daculan, el director del policia na provincia del Lanao del Sur, ya nombra con el arestao persona mas buscada como si alias Alba.
Asegun con Daculan, con Alba ya aresta na un operacion de aplicacion de ley por medio na implementacion de un orden de aresto mga alas 3:20 del Viernes tarde na Sitio Kabaturan, Barangay Miculabo, Picong, Lanao del Sur.
Si Daculan ya habla, si Alba tiene pendiente orden de aresto sin recomendao piansa por el crimen del carnaping que ya dale el un corte na Kapatagan, Lanao del Norte del Octubre 23, 2023.
Asegun con Daculan, con Albar ya pone bajo’l custodia del policia na municipio de Picong y ya entrega na Sultan Naga Dimaporo, Lanao del Norte para el propio disposicion. (B. Garcia)