- Advertisement -
Ya sale muerto el un 63 años de edad abuelo despues gulpia con este y cay na pang-pang na Zone 5, Barangay Boalan, pasada alas seis del noche ayer Domingo Hulyo 31,2022.
Ya conoce con el victima como si Crisanto Jalon Mendoza.
Na investigacion ta toma asegun na tienda el suspechao si Rodolfo Napalcruz, 49 años el edad, cuando ya llega el victima y ya tiene segun argumento el suspechao y abuelo que ya resulta na trukusan.
Amediante de este ya cay asegun el victima na 12 pies hondor pang-pang y ya sustene maga contusion na cuerpo. Ya lleva con el victima na hospital pero despues el cuantos hora ya declara siempre muerto con el abuelo.
el suspechao detenido ya ahora na Divisoria Police Station 5. (Cristine Falcasantos)
- Advertisement -