El 8th Field Artillery Battalion (8FAB) recentemente ya conduci Practical Gun Drill Exercise (PGDE) y Fire Direction Center (FDC) con el de suyu dos unidades na provincia del Sulu para examina del ila precision y eficacia, asegun con el militar del Martes.
El 8FAB ya habla, el PGDE y FDC ya conduci del Viernes na Barangay Seit Lake, Panamao, Sulu, y Barangay Bonbon, Patikul, del mismo provincia.
Asegun con el 8FAB, el mga unidades que ya participa na ejercicio amo el Primer y Tersero Peloton de Howitzer del Bravo Battery.
“Este unidad tiene objetivo para evalua el rendimiento excepcional y preparacion operacional del todos su unidades,” el 8FAB ya habla na un anuncio.
“Este ejercicio, deseñao para examina el habilidad del unidad para con precicion y efectivamente ataca objetivos bajo el condiciones de combate simulado,” el 8FAB ya omenta.
El exitoso complecion del PGDE y FDC ta descata el inquebrantable dedicacion del 8FAB para el exelencia operacional.
El 8FAB ya habla, ta esta sila preparao para proporciona oportuno y efectivo apoyo de fuego con mga unidades de maniobra en cualquier ambiente operacional. (B. Garcia)