Ocho rebelde New People’s Army (NPA) el ya rendi na autoridad na borde del provincia de Lanao del Sur y Bukidnon, asegun con el militar del Sabado.
Asegun con Tiniente General William Gonzales, el comandante del Western Mindanao Command (Westmincom), seis del ocho rendidores amo mga miembros del “Sub-Regional Committee-5 (SRC-5)” del “North Central Mindanao Regional Command (NCMRC)” que ta opera na lugar de Lanao y Bukidnon.
El otro dos ta inclui un suportador del SRC-5 y el otro un regular miembro del “Sub-Regional Sentro de Gravidad (SRSDG)” bajo el “Sub-Regional Committee-2) del NCMRC.
Asegun con Gonzales, ya rendi sila con el mga tropa del “1st Special Forces Battalion” na borde del Lanao del Sur y Bukidnon del Lunes.
Si Gonzales ya habla, el mga rendidores ya entrega 11 diferente clase de armas de fuego y todo de alta calibre.
Si Gonzales ya comenda con el mga tropa del “Joint Task Force ZamPeLan” que ta encabesa si Major General Gabriel Viray, III, por el significante acomplisimiento. (B. Garcia)