Ocho miembros del grupo de terorista local el ya rendi na mga autoridad na provincia del Maguindanao del Sur, asegun con el militar del Domingo.
El Western Mindanao Command (Westmincom) ya habla el ocho terorista local ya rendi con el tropas de 33rd Infantry Battalion (33IB) del Jueves, na Barangay Zapakan, Radjah Buayan, Maguindanao del Sur.
El Westmincom ya habla el mga rendidores amo mga siguidores del faccion de Karialan del Bangsamoro Islamic Freedom Fighters (BIFF).
Asegun con el Westmincom el mga rendidores ya entrega mga armas de fuego de alta calibre cuando ya rendi sila.
Asegun con Tiniente Coronel Udgie Villa, el comandante del 33IB, el ocho miembros del BIFF ya rendi por causa de sin descano ofensiva contra canila puera del dificultad, cansancia, y amber que ta experiencia sila na monte.
Con el mga rendidores BIFF ya presenta con Brigadier General Oriel Pangcog, el comandane del 601st Infantry Brigade, durante un ceremonia del Jueves na quartel del 33IB na Barangay Zapakan, Radjah Buayan, Maguindanao del Sur.
El presentacion del ocho rendidores BIFF ya hace na presencia del otro mga oficiales del gobierno na regional autonomo. (B. Garcia)