Siete terorista local el ya rendi con mga tropas del gobierno na provincia del Sultan Kudarat, asegun con el militar del Miercoles.
Asegun con Brigadier General Jose Vladimir Cagara, el comandante del 1st Brigade Combat Team (1BCT), dos del sinco terorista local ya rendi con el mga personajes del 6th Mechanized Infantry Battalion (6MIB) del Lunes na Barangay Pigcalagan, Sultan Kudarat, Maguindanao del Norte.
El dos rendidores, quien mga siguidores del faccion de Bungos del Bangsamoro Islamic Freedom Fighters (BIFF), ya entrega un rifle Garand y un rifle M-14 de francotirador.
Mientras tanto, asegun con Cagara, el otro sinco miembros de BIFF ya rendi con el mga tropas del 99th Infantry Battalion (99IB).
El sinco ya entrega de ila mga armas de fuego que ta inclui in mortar de 60-milimetro, un rifle M-14, un rifle Garand, un dispositivo explosivo Improvisado, mga clips y bala.
Si Cagara ya presenta con el siete rendidores BIFF con Major General Antonio Nafarrete, comandante del 6th Infantry Division, quien ya visita na quartel del 1BCT del Lunes na Barangay Pigcalagan, Sultan Kudarat.
Asegun con Cagara, ya dale inicial ayuda financial y enpquetao comida con el siete rendidores BIFF con el ayuda del Ministerio de Orden Publico y Seguridad. (B. Garcia)