El 6th Infantry Division (6ID) ya inicia cambio na liderato del 6th Division Training School (6DTS) y 6th Division CAA Affairs Office (6DCAO) base na Campo Siongco, Maguindanao del Norte, asegun con el militar del Martes.
Asegun con el 6ID, con el cambio del mando que ya conduci del Lunes ya encabesa si Major General Alex Rillera, commandante de 6ID y Joint Task Force Central.
Asegun con el 6ID, con Colonel Roberto Breboneria ya instola como el nuevo comandante del 6DTS y con Colonel Michael Glenn Manansala ya designa como el nuevo comandante del 6DCAO.
Si Breboneria ya releva con Colonel Randy Banaag mientras si Manansala ya releva con Breboneria como el comandante del 6DCAO.
Si Rillera ya felicita con el mga oficiales por el de ila nuevo designacion, significando un nuevo medio ambiente para canila.
Ya empatiza tamen si Rillera el importancia del continuidad y facil transicion na mantencion del preparacion operacional.
El ceremonia del cambio na liderato del dos mando ya conduci na Campo Siongco, Barangay Awang, Datu Odin Sinsuat, Maguindanao del Norte. (B. Garcia)