El 6th Field Artillery Battalion (6FAB) ya instola nuevo comandante de su Bravo Battery base na provincia del Norte Cotabato, asegun con el militar del Martes.
Asegun con el 4th Civil Relation Group (4CRG), el ceremonia de entrego ya hace del Lunes na cuartel del Bravo Battery del 6FAB na Campo Lucero, Barangay Nasapian, Carmen, Norte Cotabato.
Asegun con el 4CRG, con 1st Lieutenant Patricia Louise Ochate ya instola como el nuevo comandante del Bravo Battery del 6FAB y ele ya releva con 1st Lieutenant Jeffrey Egos.
El 4CRG ya habla, con Egos ya premia Medalla de Merito Militar por su invaluable servicio y contribuciones durante su turno como del comandante del Bravo Battery del 6FAB.
El simple ceremonia de entrego ya encabesa si Tiniente Coronel Tara Cayton, el comandante del 6FAB.
Despues del ceremonia, si Egos y Ochate, hunto con Cayton ya rendi visita de cortesia con Brigadier General Donald Gumiran, el comandante del 602nd Infantry Brigade. (B. Garcia)