El Western Mindanao Command (Westmincom), por medio del “Assistant Chief of Unified Command Staff for Reservist and Retiree Affairs” que ta encabesa si Capitan Edwin Ello, ya encabesa con el conducida del dos dias “combat life saver training” aqui na ciudad de Zamboanga.
Con el dos dias capacitacion (training) ya conduci na Campo General Arturo Enrile na Barangay Malagutay, aqui na ciudad, del Noviembre 19 hasta 20.
Asegun con Commander Jennifer Pili, el nuevo portavoz del Westmincom, con el dos dias capacitacion ya participa total de 45 reservistas desde’l “Philippine Army, Philippine Air Force, y Philippine Navy” quien activamente ya participa na mga discusiones y ejercicios que ya facilita mga experto na salvada de vida.
Asegun con Pili, el curso de salvavidas de combate es un programa de capacitacion medical que ta enseña con mga soldao, medicos de combate, y sargento medicos del “Army Special Forces”.
El dos dias capacitacion compuesto de conferencias y ejercicios de diferente temas incluido el tratamiento de irida, y evacuacion del mga enfermo y irido y uso y importancia del “combat life-saving”.
Si Tiniente General William Gonzales, el comandante del Westmincom, ya comenda con el mga participantes quien ya atende con el capacitacion, un programa del mando para con mga reservistas.
El conducida del dos dias capacitacion ya ase possible por medio del 15th Special Forces Company” del “4th Special Forces Battalion”.
(B. Garcia, photo courtesy of Westmincom PIO)
