Nagmabulukon ang kasaulugan sa Deaf Awareness Week sa dakbayan sa Mandaue diin dul-an sa usa ka gatos ang ni graduwar sa Filipino Sign Language ug Braille class sa nakalabay na adlaw.
Adunay 58 kabook ang naka-graduate sa Filipino Sign Language ug 17 usab sa Braille Classes, aduna poy nisalmot nga mga dili buta aron makamao sa maong klasi.
Tumong ug tuyo niini nga masabtan sa katawhan ang pakig-communicate sa mga deaf o bungol pinaagi sa pagtudlo sa Filipino Sign Language ug Braille classes.
Nitambong si Mandaue City Councilor Jimmy Lumapas sa maong graduation diin nagpasalamat siya sa mga nagpaluyo niini aron magpalampuson.
Tinguha ni Lumapas na mupasar og resolution sa pagpahigayon og training aron ang matag Barangay sa dakbayn sa Mandaue aduna gyuy mga personnel nga kahibawo sa Filipino Sign Language ug Braille Class.
Gipangusgan usab ni Mandaue City Mayor Jonas Cortes ang programa sa PWD aron way si bisan kinsa nga Mandauehanon ang mabiyaan. (Renante Lada)
(Source: Mandaue City PIO)