El fuerza militar ya designa un nuevo comandante para guia con el 44th Infantry Battalion (IB) base na provincia del Lanao del Sur.
El nombrao nuevo comandante del 44IB amo si Tiniente Coronel Wilvin Custodio quien ya releva con Tiniente Coronel Leo Christopher Cunanan.
Con Custodio ya instola como el nuevo comandante del 44IB durante un ceremonia que ya conduci del otro semana na quartel del batallon na Barangay Pawak, Saguiran, Lanao del Sur.
El fuerza militar ya designa con Cunanan como el nuevo oficial ejecutivo del 103rd Infantry Brigade.
Bien celebrao el termino de Cunanan como comandante del 44IB por su inquebrantable dedicacion y extraordinario acomplicimiento del batallon bajo su direccion.
Na su mensaje, si Custodio ya expresa su gratitud por el oportunidad para guia con el 44IB.
Asegun con Custodio, con honor y humilde le para servi na su nuevo designacion y continua con el legacia que ya establisa su predecesor. (B. Garcia)