Cuatro mga siguidores de un grupo bandido el ya rindi del otro semana na municipio del M’Lang na provincia de Norte Cotabato, el militar ya anuncia del Lunes.
Asegun con el Western Mindanao Command (Westmincom), el rindida del cuatro bandido ya facilita el 90th Infantry Battalion and 602nd Infantry Brigade.
Despues que ya rindi el cuatro bandido, ya presenta canila con Alcalde Russel Abonado del M’Lang na un simple ceremonia que ya ase na municipio na Barangay Poblacion.
El Westmincom ya nombra lang con el quatro bandido quien ya rindi por medio del de ila mga alias como si Robs, Papya, Mista, y si Ronie, todo mga residents de Barangay Gaunan, M’Lang.
Asegun con el Westmincom, el cuatro bandido ta suporta con el conosido “Pentagon kidnap-for-ransom group.”
El cuatro ya entrega two riple garand, un calibre .50 riple de sniper, dos “rocket-propelled grenades” con un bala, y tres bala de “grenade launchers”.
El rindida del cuatro bandido y entrego de armas de fuego es un resulta del continuando esfuerso del “Joint Task Force Central” para mengua y eradica con mga pusil sin licensia para el mantencion de paz y stabilidad na Norte Cotabato.
El continuado esfuerso amo para asegura tamen ay tene un protejido y segurao conducida del “Barangay and Sangguniang Kabataan Elections 2023”. (B. Garcia, photo courtesy of Joint Task Force Central)