Tres man contratio familiares na provincia del Lanao del Sur el ya firma acuerdo de paz despues de aporximadamente 30 años conflicto, asegun con el military del Miercoles.
Asegun con el 64th Infantry Battalion (64IB), el signatorios del acuerdo de paz amo el familia de Cabugatan Gamit Macagaan y familia de Aba Odar y familia Pangcatan.
El familiares de Macagaan y su aliado, el familia Odar amo mga residentes del municipios de Ganassi y Binidayan.
El de ila contrario, el familia de Pangcatan amo mga residentes de municipio de Pagayawan y Tubaran.
Asegun con el 64IB, el firmada del acuerdo de paz ya hace durante un ceremonia del Lunes na municipal hall del Pagayawan, Lanao del Sur.
El 64IB ya habla, el conflicto del tres familiares ya principia por causa na disputa de tierras na Pagayawan y ya agava despues de incientes tragicos que ya resulta na muerte de 10 siguidores ambos grupo de protagonistas.
El firmada del acuerdo de paz ya hace posible por medio del esfuerzos del 64IB, lideres de gobierno local, lideres religiosos, y defensores de paz. (B. Garcia)