El mga autoridad ya aresta tres personas y ya confisca P481,000 valor de contrabando na provincia del Lanao del Sur, asegun con el policia del Jueves.
El Police Regional Office-Bangsamoro Autonomous Region (PRO-BAR) ya identifica con el tres arestao personas como canda alias Arip, Halim, y Jala.
Asegun con el PRO-BAR, con el tres personas ya aresta del Martes na Barangay Linuk, Madalum, Lanao del Sur.
Asegun con el PRO-BAR, el mga pulis ta conduci checkpoint cuando ya hace sila para un triciclo sin numero de placa para inspecciona.
Asegun con el PRO-BAR, durante el inspeccion, el mga pulis ya descubri cay el triciclo ta contene 13 cajon de diferentes clase de cigarillo sin el requerido advertencia grafica de salud.
Asegun con el policia, el 13 cajon y 50 reams de cigarillo tiene el valor de P481,000.
Asegun con el policia, con el tres personas aresta y con el mga cigarillo ya confisca por violacion del Ley de Republica 10643, conocido tamen como el Leyes Graficas de Advertencia Sanitaria.
Asegun con el policia, nohay tamen sila puede presenta documento del mga cigarillo para dale prueba el legalidad de transportada del mga cigarillo.
Con el mga smuggled cigarillo hay entrega na Buro de Aduana para el propio disposicion. (B. Garcia)