Total de 23 soldao y tres dependientes del 11th Infantry “Alakdan” Division el ya aprovecha con el programa de “Rest and Recreation Flight” despues de cuantos meses rindida servicio de paz y seguridad na provincia de Sulu.
Con el mga soldao ya transporta abordo na eroplano del militar desde’l aeropuerto del Jolo, provincia de Sulu para na Manila del Martes.
Na un declaracion, si Major General Ignatius Patrimonio, el comandante del 11ID, ya expresa su gratitud por el libre viaje de eroplano.
Si Patrimonio ya habla cay el libre viaje bien conviniente, especialymente para con el mga soldao ta keda na Luzon.
“Un privilegio para con el diamon personajes aprovecha con este libre viaje. Myentras ta ase kame de amon trabajo, ta rindi came gracias con el fuersa armada del Pilipinas que ta mira con el moral del de amon tropa por medio de este Rest and Recreation Flight. Ta asegura came cay el mga tropa del Alakdan are continua sirvi para realiza un paz inclusiva que ta aspira el provincia de Sulu,” asegun con Patrimonio.
(B. Garcia)
(Photo Courtesy of 11th Infantry Division)
