El mga autoridad ya aresta dos suspechao listao como mga individuales de alto valor, o HVIs, y ya confisca P5.78 millones valor de droga ilegal na un operacion contra droga na ciudad de Zamboanga, asegun con el Philippine Drug Enforcement Agency (PDEA) del Lunes.
El oficina regional del PDEA, ya identifica con el mga arestao suspechao como canda Nasser Usman, 63 años el edad y un residente de Barangay Sta. Barbara y si Fraiser Sahibaini, 44, residente del Sitio Paniran, Barangay Zone 4.
Asegun con el PDEA, con el dos HVI suspechao ya aresta na un operacion de compra busto mga alas 7:33 del Domingo denoche na Paseo de Martha, Barangay Barbara, ciudad de Zamboanga.
El PDEA ya habla, ya confisca na posesion del dos suspechao 850 gramos de suspechao shabu enpaquetao na 17 termosellada transparente sobrecitos plastico que tiene el valor de P5,780,000, un bag de plastico, un bag de papel, 949 pedaso de P1,000 robar dinero que ya pone incima real P1,000 markao sen.
Asegun con el PDEA, con el mga suspechao hay planta el caso por violacion del Seccion 5, Articulo II del Ley de Republica 9165 o mas conocido como el Ley Integral de Drogas Pelligrosas.
El PDEA ya conduci con exitoso operacion de compra busto con el suporta del Regional Drug Enforcement Unit-9, National Investigation and Security Group, y City Intelligence Unit de Zamboanga City Police Office. (B. Garcia)