El gobierno local del Tuburan, Basilan en colaboracion con el 101st Infantry Brigade y 18th Infantry Battalion ya facilita el firmada de un acuerdo de paz que ya pone fin na por largo tiempo playto de dos familias en tiempo para el Pascua librao de conflicto.
Asegun con el 101st Infantry Brigade del Martes, el dos familias en guerra que ya firma un acuerdo de paz amo el familia de Ben Salain y familia Abdulajid Abubakar.
Asegun con el 101st Infantry Brigade, el acuerdo de paz ya firma el dos familias del Lunes na diutay gimnasio na Barangay Tablas, Tuburan, Basilan.
Si Coronel Frederick Sales, el 101st Infantry Brigade deputy commander, ya comenda con el mga concierne partidos cay finalmente ya conforma ya sila tene reconciliacion y paz.
Si Sales ya extende tamen su sincero gratitud con el gobierno municipal del Tuburan y 18IB por el esfuerzo de colaboracion que ya resulta na firmada de un acuerdo de paz entre el dos familias. (B. Garcia, photo courtesy of 101st Infantry Brigade)