El mga otoridad ya aresta con dos bien wanted personas na implementacion de orden de aresto na provincial del Maguindanao del Norte.
Asegun con Police Brigadier General Allan Nobleza, el director del pulisiya na rehyon otonomo, con el mga arestao bien wanted personas ya conose como canda Datu Sammy Maton y si Buagas Acob.
Asegun con Nobleza cay si Maton listao como el numero cuatro bien wanted persona na Maguindanao del Norte y si Acob listao como el numero cuatro bien wanted persona na municipio del Datu Odin Sinsuat.
Con el dos mga bien wanted personas ya aresta mga pulis del Lunes na Barangay Marques, Datu Odin Sinsuat, Maguindanao del Norte.
Asegun con Nobleza cay canda Maton y Acob tiene pendiente orden de aresto por el crimen de dos cuentas de matansa (double murder) sin piansa, three counts frustrated murder con P200,000 piansa cada uno, y attempted murder con el piansa de P120,000 cada uno que ya dale el un jusgado el ciudad de Cotabato del Agosto 3, este año.
Asegun con Mobleza cay el mga arestao acusao envuelto na ilegal bendida de pusil y droga ilegal y matansa na Lanao del Sur, Maguindanao del Norte, and ciudad de Cotabato.
Si Nobleza ya habla cay ay continua sila el campanya encontra con mga wanted personas na rehyon otonomo. (B. Garcia) (Photo Courtesy of Police Regional Office- Bangsamoro Autonomous Region)