Un fescador el ta esta perdido despues que ya man bangga con el de suyu banca de motor en este ciudad, asegun con el policia local del Jueves.
Asegun con Police Colonel Alexander Lorenzo, el Zamboanga City Police Office director, el incidente ya ocuri mga alas 12:30 del Jueves aga na mar del Labuan, en este ciudad.
Si Lorenzo ya nombra con el victima como si Julimran Bandahala, 26, años y un residente de Purok 5, Barangay Patalon, en este ciudad.
Asegun con Lorenzo, base na investigacion cay ta fesca si Bandahala cuando ya man bangga con el de suyu banca de motor el otro banca de motor que ta maneja si Alnajer Langkasan, 25 años el edad y residente de Purok 4, Barangay Labuan.
Si Bandahala ya sufri mga irida na cuerpo y ya cay na mar y ta esta perdido.
El dos mga banca de motor envuelto na accidente talla ahora na canto’y aplaya na Purok 4, Barangay Labuan, mientras si Langkasan bajo na custodiya del Zamboanga City Police Station 10. (B. Garcia)