- Advertisement -
Un casa el parcialmente ya destrosa na un incendio na Barangay Baliwasan, en este ciudad, asegun con el bombero del Jueves.
Asegun con Superintendent Christopher Morales, el Zamboanga City Fire District (ZCFD) marshal, el incendio ya principia mga alas 2:51 del Jueves aga na Paseo de Ranches, Barangay Baliwasan, en este ciudad.
Asegun con Morales, el incendio ya principia na casa de Sulma Sadarani, pero ya determina pa sila cosa el causa del incidente.
Si Morales ya habla cay ya puede apaga el mga bombero con el incendio que ya alcansa na primer alarma mga alas 3:07 del aga.
Asegun con Morales, el valor del destroso ya alcansa mas o menos P5,000. (B. Garcia)
- Advertisement -