El mga autoridad ya arresta dos personas y ya confisca mga materiales explosivos na un operacion de compra busto na ciudad de Zamboanga, asegun con el policia del Miercoles.
El policia ya identifica con el dos arestao suspechao como canda alias Arjemhar y alas Gamar, mga de legal el edad.
Asegun con el policia, con el dos suspechao ya aresta na un operacion de compra busto mga alas 6 del Jueves denoche na Barangay Rio Hondo, ciudad de Zamboanga.
Asegun con el policia, ya confisca durante el operacion total de 2,000 pedaso de detonadores, 2,000 pedaso de improvisado detonadores no electrico, tres rollos de fuse comercial de seguridad, sinco bolsos plastico ta contene alegaomente trinitrotoluene, o TNT, y dos carrestes de luces con rosas cordon detonante.
Ya confisca tamen el mga operativas del gobierno robar inero, o boodle money, que ya usa na transaccion y un vehiculo utilitario deportivo, o SUV.
El mga arestao suspechao hay enfrenta el caso por violacion del Ley del Republica 9561, o ilegal posesion de explosivo, y Seccion 32 del Ley de Republica 7166 en relacion con el reglamento 4, Seccion 8 del Comelec Resolucion Numero 11067. (B. Garcia)