Total de 195 individuales el ya recivi intervencion de busca lavida bajo el programa de administracion del Small Arms and Light Weapons (SALW) na tres municipios na provincia del Basilan, asegun con el militar del Sabado.
Asegun con el 45th Infantry Battalion (45IB), que bajo del 11th Infantry Division (4ID), el mga beneficiarios del intervencion de busca lavida amo mga residentes del municipios de Ungkaya Pukan, Tipo-Tipo, y Al-Barka.
El distribucion del ayuda ya hace del otro semana el 45IB en asociacion con el Ministerio del Interior y Gobierno Local y el 101st Infantry Brigade (101Bde).
El mga beneficiarios del ayuda amo aquellos quien previamente ya rendi y ya manda estarci del ila mga armas de fuego como parte del de ila dedicacion de paz.
Cada un beneficiario ya recivi un saco de 25 kilos arroz y un equipo de busca lavida, que parte del ayuda ya dale por medio del United Nations Development Programme (UNDP) y proyecto de Assistance for Security, Peace, Integration, and Recovery (ASPIRE).
Asegun con el 45IB, ya atende con el actividad el mga barrio capitan del mga barangays na mga municipio de Ungkaya Pukan, Tipo-Tipo, and Al-Barka, quien mga recipientes tamen del suporta de busca lavida.
Ademas, presente tamen el mga voluntarios del Gallant Youth Leaders para ayuda con el evento, facilitando con el distribucion y proporcionando mano de obra para asegura el buena ejecucion del actividad.
Este iniciativa es parte del gran esfuerzos del Philippine Army para crea paz y seguridad por medio del demobilizacion del armas de fuego y el provision del suporta de busca lavida, reinforsando el camino de largo tiempo paz y recuperacion na Basilan. (B. Garcia)