El gobierno provincial del Basilan ta construi 15 barrio hall de dos andanas na diferentes municipios y na ciudad de Lamitan, asegun con el official del Martes.
Asegun con Gobernador Hadjiman Hataman-Salliman cay P80 millon el total valor del proyecto y el fondo estaba na Ministry of the Interior and Local Government del Bangsamoro Autonomous Region in Muslim Mindanao (MILG-BARMM).
Asegun con Salliman, el 15 recipientes barangay del proyecto hay inclui el Malinis y Malakas naciudad de Lamitan; Langil na Mohammad Adjul; Tablas na Tuburan; Mebak y Bakung na Sumisip; Atong-Atong y Baungis na Lantawan; Suligan y Babag na Tabuan Lasa; Bohe Lebbung na Tipo-Tipo; Matata na Ungkaya Pukan; Apil-Apil na Al-Barka; Shipyard na Maluso; y Manangal na Hadji Mutammad.
Si Salliman hunto con Vice Gobernador Yusop Alano del Basilan y representante desde MILG-BARMM ya encabesa del Lunes con el ceremonia de innovador del proyectos que hay construi na diferentes municipio y ciudad de Lamitan.
Presente durante el ceremonia amo mga barrio capitan del 15 barangay, alcalde del mga municipio, y mga hefe de diferente departmento del gobierno provincial. (B. Garcia)