Ginaduso karon sa Land Transportation Franchising and Regulatory Board 11 (LTFRB 11) nga i-deputize sila sa Land Transportation Office (LTO) aron mahatagan ug saktong aksyon ang mga drayber sa Public Utility Vehicles (PUV) ug ugaling aduna kini dili maayong ginabuhat sa mga pasahero.
Sumala kang LTFRB 11 Regional Director Nonito Llanos III, nga ang PUV operators ra ang silotan tungod kay sila ra ang sakop sa ilang mandato ug dili ang drayber.
Dugang niini, nga kon aduna na silay deputization order gikan sa LTO, mahimo nilang silotan ang drayber kon mapamatud-an nga miabuso kini sa ilang mga pasahero.
Ang giingong lakang goduso human nga adunay mga reklamo ang publiko sa mga taxi driver sa dakbayan. (Camille Santos Naraga)
(Source: LTFRB XI)