Ocho personajes alistao del 11th Infantry Division (ID) el ya promociona para na siguiente alto ranggo, asegun con el militar del Jueves.
El 11ID ya identifica con el mga soldao promocionao para na ranggo de Private First Class (PFC) como el mga siguientes: Private (Pvt.) Amy Manuel; Pvt. Albaqui Tan; Pvt. Sheila Padilla; Pvt. Magielyn Florentino; Pvt. Debbie Salario; Pvt. Noli Sapinit; Pvt. Almadzfar Dammang; y si Pvt. Jeovani Gesta.
Si Brigadier General Alexei Musñgi, el 11ID assistant division commander, personalmente ya adjunta el nuevo ranggo con el mga promocionao personajes alistao durante un simple ceremonia del Lunes junto con otro mga oficiales del mando.
Na mismo tiempo, si Major Levy Joseph Carungay ya recivi Certifico de Reconocimiento por su dedicao servicio y inquebrantable suporta como el extrovertida ejecutivo oficial del Camp Teodulfo Bautista Station Hospital.
El ceremonia ta demonstra el compromiso del 11ID para reconoce y honra con el acomplocimiento y contribucion del de ila personajes. (B. Garcia)