El 11th Infantry Division (ID) ya conduci dos dias actividad nombrao como el “Transition Assistance Program (TAP)” para con el mga personajes ay retira desde’l servicio militar.
Si Coronel Wilfredo Borgonia, el jefe de personal (personnel officer) del 11ID, ya habla del Martes cay el dos dias actividad ya conduci del otro semana na Campo Heneral Bautista na Barangay Busbus, Jolo, Sulu.
Si Borgonia ya habla cay tiene el total de 41 soldao quien ay retira ya el ya atende con el actividad que ta incluwi pre-separation and retirement planning interview and workshop; vocational and technical skills training; job search assistance; y business, livelihood or enterprise development assistance.
Asegun con Major General Ignatius Patrimonio, el comandante del 11ID, ya inicia sila el programa para prepara con mga soldao quien esperansao retira na servicio.
Asegun con Patrimonio cay por medio del programa, ay ayuda y insinia sila con el mga retirao soldao tene productivo vida civil (civilian life).
Si Patrimonio ya habla cay el iniciativa ta dale mira cay ta pone sila de primera calidad con el moral y bienstar del de ila personajes.
El TAP es un programa del Philippine Army que ta dale paquete de servicios con mga soldao quien ay retira para tene un buen transicion desde vida de un soldao para na vida civil. (B. Garcia, photo courtesy of 11ID)