Onse pasajeros, mayoriya mga estudiantes del Zamboanga City National High School-West, el ya iri na un accidente vehicular aqui na ciudad de Zamboanga, el pulisiya local ya reporta del Biyernes.
Asegun con el Zamboanga City Police Station 8 (ZCPS8) el incidente ya ocuri mga alas 7:30 del Huwebes denoche na carretea del San Jose-Limpapa na Barangay Calarian en este ciudad.
El ZCPS8 ya nombra con mga victima como el siguientes: Ferlyn Gloria, 14; Chesla Unsing, 14; Rhea Vidal, 17; Jasmin Gabual, 17; Kathlene Hermo, 18; Nurmina Sara, 23; Analene Abduhalim, 23; Ligaya delos Reyes, 19; Giselle Joy Espenosa, 19; Mohammad Ramar Ismail, 20; y si Sara Jeane Legardo, 41.
Base na investigacion, el mga victima abordo na jeep de pasajero que ta maneja si Lino Adjud Karil, 46, que ya man baliscan myentras ta viaja para na costa weste estaba na pueblo.
Asegun con el ZCPS8 cay ya man baliscat el jeep onde muntao mga victima despues que ya resbala el manibela na mano de Karil cuando ya desvia ele con un motorsiclo.
Con el mga victima ya lleva para na Zamboanga City Medical Center para el curada medical. (B. Garcia)