Tiene nuevo edificio de tres andanas con 15 cuatro el escuela del Don Gregorio Evangelista Memorial School (DON GEMS) na Barangay Sta. Catalina en este ciudad.
Este ya vene despues que el Alcalde John Dalipe ya inagura y entrega con el nuevo edificio durante un ceremonya del Huwebes tarde.
El edificio que ya costa P24.78 milyones, ya construji el un privado companiya de construccion bajo el supervision del oficina de enginieriya del ciudad.
Asegun con Dalipe cay el proyecto parte del su prioridad de calidad y accesible educacion para con el presente y futuro generaciones de estudiantes.
“Continua kita hace mas major con el comunidad para con el mga siguiente generacion y continua kita hace el propio y bueno para de todo,” ya habla si Dalipe.
Con el nuevo construjido edificio de escuela ya entrega con Abdulmunib Birin, el director del escuela. (B. Garcia, photo courtesy of John Dalipe Facebook page)