El govierno del ciudad de Lamitan en colaboracion con el govierno del provincia del Basilan ya construji un centro de rehabilitacion para con mga adicto de droga ilegal.
Con el P4.5 milyones proyecto, el “Balay Silangan Reformation Center”, ya construji na Rose Ville, Little Cebu, Barangay Maganda na ciudad de Lamitan.
El Alcalde Roderick Furigay del ciudad de Lamitan ya encabesa con el inaguracion del proyecto de Miyercoles que atende si Jim Hataman-Sallima, el governador del Basilan, y otro mga alto funccionarios de govierno, pulisiya, y militar.
Asegun con Furigay, el facilidad abierto para con aquellos mga empujador de drogas (drug pushers) quien voluntaryamente ya rindi y ya desea reforma y principia un nuevo vida con decente la vida.
Asegun con Salliman el construccion de facilidad parte del de ila programa para con aquellos quien ta desea desaleja na de ila mal vicio. (B. Garcia, photo courtesy of Lamitan City Government)