El 101st Infantry Brigade (101Bde), en asociacion con el mga partes interesadas, ya activa con el Quick Reaction Teams (QRTs) y Election Monitoring Action Centers (EMACs) na nivel municipal y ciudad en preparacion para el 2025 Elecciones Nacional y Local.
Asegun con el 101Bde del Lunes, con el QRTs y EMACs ya activa durante el terser Basilan Peace Forum del otro semana na gimnasio del ciudad de Lamitan, Basilan.
El foro dirigido para asegura el pacifico y segurao conducta del venedero eleccion, particularmente na Basilan, fortaleciendo el coordinacion y colaboracion entre varias socios de paz.
Asegun con el 101Bde, el iniciativa es integral na mantencion de paz y orden durante del elecciones y asegurando y proteccion del proceso electoral na Basilan.
Na su mensaje, si Brigadier General Alvin Luzon, el comandante del 101Bde, ya expresa su gratitud con el varios socios y ya enfatiza el significancia del frente unido por el exito del elecciones.
Si Luzon ya habla, el foro es un paso vital para asegura el pacifico conducida del elecciones na año 2025.
Asegun con el 101Bde, con el foro ya atende mga alto funccionarios del gobierno, militar, policia, educacion, y otros mga sectores y partes interesadas. (B. Garcia)